गुंता...!!!
कुणी कंगवा किंवा फणी देता का,
थोडंस नात्यांना विंचरायचंय...
कितीतरी गुंते झालेत,
थोडंस सोडवायचंय...
एक पदर सुटला की,
दुसरं गुंतत जातंय...
एक नातं सुटलं की,
दुसरं नवं नातं अडकत जातंय...
नात्यांना किती जपलं तरीही,
अधूनमधून नातं एकमेकांत गुंततंय...
एक टोक सोडवलं असं वाटत गेलं की,
दुसरं टोक हरवतंय...
सगळीच नाती हवी हवीत,
पण एक सोडवलं की दुसरं तुटतंय...
कितीही हळुवार गुंता काढायचं ठरवलं तरी,
सुटण्याऐवजी अधिकंच गुंतत जातंय...
एकदा कंगवा अन फणीनं विंचारलं की,
सगळं सुरळीत होईल वाटतंय...
थोडा वेळ कसंनुसं होईल,
पण गुंता हमखास सुटेल वाटतंय...
गणेशदादा
शितोळे
कोणत्याही टिप्पण्या नाहीत:
टिप्पणी पोस्ट करा