वळणावरचा पाऊस....!!!
खरतर तो अनेकदा यायचा,
मीच दरवेळी त्याला टाळत आलो...
अन काल अचानक तो,
पाठशिवणीच्या खेळात भेटलाच...
कालही वाटलं आजही याला टाळावे
अन क्षणभर एका झाडाखाली थांबलो...
पण त्याचा भलताच वेग पाहून,
त्याला पुन्हा चालायला लागलो...
खूप दिवसांनी,
मी त्याला भेटलो...
एकमेकांना कवेत घेऊन,
चिंब भिजून गेलो...
त्याच्या सोबतीचा प्रवास,
कायमच मला हवाहवासा वाटतो...
कालही त्या दोन तासांच्या साथीत,
आनंदाने मी तृप्त झालो....
एवढं सगळं चांगलं चाललं असताना,
तो जसा अचानक आला तसाच गेला...
अन मी मात्र त्याच्या परत येण्याच्या आशेने,
रस्त्याकडे टक लावून बघत राहिलो...
गणेश शितोळे
(३० सप्टेंबर २०१७)
कोणत्याही टिप्पण्या नाहीत:
टिप्पणी पोस्ट करा