साक्षगंध...!!!

 

पसंत आहे मुलगी म्हणत,
एकमेकांची मनं जुळत गेली...
जणू मनाचे बंध विणत,
रेशीमगाठ जुळूत आली...

अंगठी सोबत बोटातली सांधच जणू,
एकमेकांनी भरून गेली...
आयुष्याच्या वाटेवरची दोघांची सोबत,
श्वासांसारखीच होऊन गेली..

ह्रदयातली माणसं आज,
मनानेही एक झाली...
जणू आठवण त्याला झाली,
अन उचकी तिला लागली..

मैत्रीच्या पलिकडची नाती,
प्रेमाच्या बंधनात गुंफत गेली...
एक जीव दोन श्वास घेत,
आयुष्याची ही नवी वाट चालू लागली...

गणेश दादा शितोळे
(२० नोव्हेंबर २०१६)