वाटतं कधीतरी...!
आयुष्यात एकदा तरी असं व्हावं...
आपलंच आयुष्य आपल्याला,
आपल्या मनासारखं जगता यावं...
वाटतं कधीतरी घेऊन या मनाला,
आठवणींच्या झुल्यावर झुलावं...
जात उंच उंच हा झोका,
जुन्या आठवणींनी नव्यानं मनात यावं...
वाटतं कधीतरी घेऊन या मनाला,
वार्याच्या झुळकेसोबत मंद वहावं...
जणू पक्षासारखं होऊन,
उंच भरारी घेत स्वच्छंदी उडावं...
वाटतं कधीतरी घेऊन या मनाला,
स्वप्नांच्या दुनियेत मनसोक्त हिंडावं...
स्वप्नांच्या या प्रवासातच,
मी तिला आपलंस करून घ्यावं...
वाटतं कधीतरी घेऊन या मनाला,
असंच रोजच्या साखरझोपेत झोपावं...
स्वप्नांच्या या चंदेरी दुनियेत,
आयुष्य मनासारखं जगता यावं...
गणेश दादा शितोळे
(१८ डिसेंबर २०१५)
(१८ डिसेंबर २०१५)
कोणत्याही टिप्पण्या नाहीत:
टिप्पणी पोस्ट करा