प्रेमाची परिभाषा

भपकेबाज दिखावा मेकअप सारखा असतो...

थोडं काही झालं की गळून पडतो...

शेवटी निखरतं ते असतं सौंदर्य....

प्रेमाचं हे सौंदर्य त्या साधेपणातंच असतं...

कोणत्या ब्रॅण्ड ची कपडे घालता अन

कुठल्या हॉटेल मधे जेवता हे

कधीच प्रेमाची किंमत ठरवू शकत नाहीत....

प्रेम असतं हळूवार स्पर्शात...

प्रेम असतं नजरेच्या कटाक्षात...

प्रेम असतं पापण्यांच्या मिटण्यात..

प्रेम असतं उमलत्या गुलाबात...

प्रेम असतं किंचितशा स्मितहास्यात...

प्रेम असतं एकमेकांवरच्या विश्वासात...

प्रेम असतं एकमेकांना समजून घेण्यात...

तसं पाहिलं तर काहीही किंमत नसते या कशालाही..

तरीही ते अमुल्य ठरतं...

हीच असते प्रेमाच्या साधेपणाची व्याख्या

अन सौंदर्याची परिभाषा....

गणेश सुवर्णा तुकाराम

०१ ऑक्टोबर २०१८