दोन क्षणांचा प्रवास
तिच्याकडे बघत बघत,
रोजच मॉर्निंग वॉक सुरू होतो...
कधी स्मितहास्य करत तर,
कधी नकळत कटाक्ष टाकत चालत असतो...
चालता यावे तिच्या सोबत म्हणूनच जणू,
प्रत्येक पाऊल पुढे झपझप टाकला जातो...
आता या राऊंडला तरी गाठून तिला,
सोबत दोघांनी चालेव म्हणत मॉर्निंग वॉक सुरू असतो...
.
झपझप चालत पावलांनी वेग घेतला की,
ती जशी जशी जवळ जवळ येत जाते...
तसतसा वळणावळणाचा प्रवास करत,
प्रत्येक राऊंड संपत येत असतो...
.
कसातरी आटापिटा करत करत,
एका वळणावर तिला गाठतो...
अन दोन क्षणांचा का होईना,
आमच्या दोघांचा प्रवास सुरू होतो....
गणेशदादा शितोळे
(१३ डिसेंबर २०१६)
कोणत्याही टिप्पण्या नाहीत:
टिप्पणी पोस्ट करा