नदीकाठी...!!!
नदीकाठी पाण्यात दगड मारताना,
उडणार्या तुषारांना पाहून मन प्रफुल्लित होते...
एक दोन तीन वेळा उडले की,
मन स्वतःच स्वतःशी हसत बसते...
एकटक लावून संथ वाहत्या पाण्याकडं बघताना,
मनात काही काही नसते....
नव्या कोर्या वहीसारखं,
मनंही कोरे कोरे असते...
सळसळत पळणारा मासा पाहून,
किंचित स्मित करत असते...
माशासारखंच मनंही,
खोल डोहात पोहत बसते...
हाती घेऊन ओंजळभर पाणी,
वेड्यासारखं निरखून पहात असते...
ओघळणारा थेंब थेंब पाहून,
सुटत चालणारं आयुष्य मोजत बसते...
गणेशदादा शितोळे
(११ नोव्हेंबर २०१७)
कोणत्याही टिप्पण्या नाहीत:
टिप्पणी पोस्ट करा