भेट
लवकरंच आपली भेट
होईल...
एका अनोळखी व्यक्तीची
दुसर्या अनोळखी
व्यक्तीशी....
हो कारण तसे आपण
दोघंही
एकमेकांना
अनोळखींच...
असं अनोळखी असलं तरी
पण
हे दिव्य करावं तर
लागेलच....
नुसतं भेटायचं म्हटलं
आणि
क्षणभर मला असं वाटून
गेलं की
आपली मैत्री होऊ शकेल
कदाचित.
का ते माहिती
नाही....
माझ्या आवडत्या
छंदाबद्दल,
गोष्टींबद्दल मी नंतर
भेटल्यावर सांगेनच...
का ते मला माहित नाही
पण
आपल्या मध्ये काहीतरी
साम्य आहे
असे मनातल्या मनात
मला वाटत राहते....
तुझ्यारुपाने खूप
जवळचा पण
अजूनही अनोळखी
असल्याने
लांब असलेला
आनंदयात्री मिळाला आहे मला....
तुला कितीतरी गोष्टी
सांगाव्याश्या वाटतात...
पण ते एका भेटीत होईल
वाटत नाही....
तरीही कधी आपली भेट
होईल
असे मला सारखे वाटत
राहतेय....
माझ्यासाठी हा
शब्दांचा समुद्र म्हणजे
विलक्षण काही नाही
आहे...
कारण ते मला रोजचेच
आहे.
उलट तो माझ्या
आयुष्याचा एक
खूप महत्वाचा भाग
आहे....
गणेश सुवर्णा तुकाराम
२९ सप्टेंबर २०१८
कोणत्याही टिप्पण्या नाहीत:
टिप्पणी पोस्ट करा