एक वेडी मैत्रीण...!!!

ती आहे एक वेडी मैत्रीण,
माझ्यावर कविता कर कर म्हणणारी...
पण तिच एक कविता आहे,

कधीही समजूच न शकणारी..

ती आहे एक सोशल नेटवर्किंग साईट,
कायम ऑनलाईन राहत टचमधे रहाणारी...
निवडक माणसांशी चॅटिंग करत,
दुसर्‍यांना कायम बिझी दाखवणारी...

ती आहे एक अल्लड मैत्रीण,
जराशी लाजरी अन नाजूक हसणारी...
तिचं हसूच एक स्मित आहे,
जणू किंचितशा गालावरच्या खळीत सामावणारी...

ती आहे एक कुरमुजलेलं मैत्रीच पानं,
आठवणींच्या वहीत जपून राहणारी...
मैत्र परिवारात असते इतकी मग्न,
जणू भेटलेल्या कित्येकांच्या मनात घर करणारी...

ती आहे एक वेगळ्याच स्वभावाची  मैत्रीण,
प्रत्येकाशी मोकळेपणाने वागणारी...
हीच तर खरी तिची ओळख आहे
जणू नावाप्रमानेच सगळ्यांशी स्नेह ठेवणारी...

गणेश दादा शितोळे
(७ ऑक्टोबर २०१६)