आयुष्य....!!!

आयुष्य कोणत्या वाटेने जाईल कोणालाच कळत नसतं
आपण कितीही ठरवलं तरी आयुष्य त्याच वाटेनं जात असतं
वेड्या वाटा कोठून कशा वळतील सांगता येत नसतं
सरळ असू की वाकडी आयुष्य त्याच वाटेनं जागवं लागतं

कधी एकाकी आयुष्य हाती ठेवुन

वाटांनी पळणं सुरू केलेलं असतं
तर कधी आठवांना हाती सोडून
आयुष्य आपल्या वाटेनं पळत असतं

आयुष्याच्या सुंदर वाटेचं स्वप्न मीही पाहिलं होतं
कोणी सोबत असताना आयुष्य सुंदर वाटत होतं
आयुष्य कधी वळण घेईल माहित नव्हतं
स्वप्नपूर्ती करणाऱ्‍या वाटेला आयुष्यानं मधेच वळण घेत बदललं होतं

त्या वळणावर आसवांना रडायला आलं होतं
दुःखाच्या काळोखात स्वप्न गळून पडलं होतं
दुनिया तर गोल आहे प्रत्येकालाच वाटत होतं
पण कितीही गोल फिरलं वाटेवर परत जाता येत नव्हतं

याच वळणावर कोणी मला सोडून जायचं ठरवलं होतं
त्यांच्या वाचून आयुष्य माझं मलाच छळत होतं
त्याच वाटेवर मैत्रीच्या प्रवासाला सुरू केलं होतं
त्याच वाटेवरच्या वळणावर मैत्रप्रेम संपलं होतं...

गणेश दादा शितोळे
(१० मार्च २०१४)