कालच लोकसभा निवडणकीच्या तारखा घोषीत झाल्या. चालू स्थितीचं आणि मतदारांनी
मतदानादिवशीची सुट्टी ऐन्जॉय न करता मतदान करावे म्हणून आवाहन करणारी
कविता......
सत्ते फक्त तुझ्याच साठी...
काँग्रेस राष्ट्रवादी शिवसेना आणि भाजप
मनसेच्या जोडीला आता आली आहे आप
सगळ्यांची लढाई सुरू आहे सत्ते तुझ्याच साठी
इटलीच्या बाईंवाचून झाली काँग्रेसमधे बिघाडी
पवारांनी काढली राष्ट्रवादीची हो गाडी
स्वबळावर चढाईची होती यांना सत्तेची शिडी
नव्यानवची निवडणूक लढली स्वबळावर सत्ते तुझ्याच साठी
हाती आली पराभवाची गोडी
म्हणून केली परत काँग्रेसबरोबरच आघाडी
म्हणे खाऊ सत्ता जोडीनं आपण थोडी थोडी
निवडणूक जिंकत राहिले दोघं जोडीनं सत्ते तुझ्याच साठी
शिवसेनेनं घेतलं भाजपला सोबती
आघाडीसमोर उभी राहिली युती
तरी नाही संपली पराभावाची साडेसाती
त्यांचा हिंदूत्ववाद सत्ते तुझ्याच साठी
बाळासाहेबांनी सुत्र सोपवलं उद्धवाच्या हाती
रागावून गेले काही शिवसेनिक आणि सोबती
प्रत्येकानं फोडलं खापर विठ्ठलाच्या बडव्याच्या माथी
पक्ष सोडताना केली त्यांनी हो वादावादी
सगळं काही सुरू आहे सत्ते तुझ्याच साठी
बीडचे मुंडे नागपुरवासी गडकरी
एकाच म्यानातल्या दोन तलवारी
राज्यातील भांडण गेलं पार दिल्ली दरबारी
राजनाथ बोली दाखवा जरा समजदारी
सगळं समजावणं फक्त सत्ते तुझ्याच साठी
नितीनरावांला अध्यक्ष दिल्ली करी
लोकसभेचं उपनेतेपद पडलं गोपीनाथरावांच्या पदरी
दोघंचही भलं झालं दिल्ली दरबारी
दोघांचंही लढणं सुरू आहे सत्ते तुझ्याच साठी
राष्ट्रवादी करतो आश्वासनांचा गाजावाजा
पवार म्हणतात आहे मी जाणता राजा
आबा दादांना मंत्रीपदातच येई मजा
विसरत चाललेत मतदारच आहे खरा राजा
काकापुतण्यांची तयारी असते फक्त सत्ते तुझ्याच साठी
सांगलीचे पाटील म्हणतात मी आहे जयंतराव
जाणत्या राजाचा पेशवा बाजीराव
अर्थखात्याचं बजेट फक्त कळतं ना राव
तरी का ग्रामविकास खातं पदरी नाही ठावं
पाटलांचं रडगाणं फक्त सत्ते तुझ्याच साठी
म्हणे मी गृहमंत्री आर. आर. पाटील उर्फ आबा
आहे पोलिसांवर माझाच फक्त ताबा
वाजवतात फक्त आश्वासनांचा तोंडी डबा
पोलिसांच्याच जीवावर करतात महाराष्ट्रात हवा
आबांचही चालंलंय फक्त सत्ते तुझ्याच साठी
पाचपुते झाले आहेत वारकरी
मागणं मागता पंढरीच्या दारी
सहाव्यांदा घेतली तुम्ही आमदारकीची भरारी
तुमचं नशीब आहे लय भारी
मंत्रीपदाची माळ कायम पदरी
बबनरावांची केली होती लोकसभेची तयारी फक्त सत्ते तुझ्याच साठी
दादा तुम्हीच आमचं कल्याणकरी
तुम्ही करता जनतेची कामं भराभरी
म्हणून जनता तुमचा उद्धार करी
खरंच तुम्ही आहेत लय भारी
अजितदादांचं हे वागणं फक्त सत्ते तुझ्याच साठी
फडणवीस म्हणतात तटकरेंनी केला जमीनीचा घोटाळा
किरीट सोमय्यांनी आरोप करत वाजवला खुळखुळा
सुनिलराव म्हणतात मी आहे निर्दोष आणि भोळा
जनतेला समजून घ्यायचंय लुटलाय का तुम्ही खरंच हो मळा
सुनिलरावांची ही शाळा फक्त सत्ते तुझ्याच साठी
अकोलेचा आहेत हे मधूकर पिचड
ठरतात नेहमीच हो हे वरचड
यांना पराभूत करणं आहे अवघड
अजून तरी सत्तेत नाही यांची पडझड
मधुकर पिचडांचं विकासकाम सत्ते फक्त तुझ्याच साठी
जेव्हा सेनेत होते राणेंचे नारायण
उडवीत होता कोकणात दाणादाण
मिळवून दिला शिवसेनेला कोकण
म्हणूनच बाळासाहेबांनी दिला मुख्यमंत्रीपदाचा मान
राणेंचं हो राजकारण सत्ते फक्त तुझ्याच साठी
बाळासाहेब म्हणाले मीच केला नारोबांचं नारायण
तरी का सोडला राणेंनी धनुष्यबाण
हाताला साथं देऊन दिला काँग्रेसला कोकण
लोक म्हणतात फक्त मुख्यमंत्रीपदवरच होतं यांचं ध्यानं
राणेंचं काँग्रेसमधे येणं सत्ते फक्त तुझ्याच साठी
मुख्यमंत्रीपदासाठी उपसलं बंडाचं हत्यार
उद्योगमंत्री होताच झाले बंड थंडगार
स्वत: होते आधीच आमदार पोर केले खासदार
निलेश नितेशला केलं त्यांनी जाहिर वारसदार
राजकारणात उतरलं यांच घरदार सत्ते फक्त तुझ्याच साठी
शिवसेनेत तयार झाला जोशींचे मनोहर
कधी काळी होते कोहिनूर मधे सर
साहेबांनी बसवलं त्यांना मुख्यमंत्रीपदावर
वय झालं तरी अजूनही त्यांना हवं होते राज्यसभेचं गाजर
जोशी सरांचं भविष्य अधांतरीच सत्ते फक्त तुझ्याच साठी
शिवसेनेला बाळासाहेबांनी उभारलं
दोन्ही हातांनी उद्धवसाहेब आणि राजसाहेबांना घडवलं
भावबंदकीत म्हणे कोण्या बडव्यानं तेल ओतलं
एका हातानं दुसऱ्या हाताला कि वं सोडलं
ठाकरेबंधूचं राजकारण सत्ते फक्त तुझ्याच साठी
उद्धवसाहेबांनी धनुष्यबाण हाती घेतलं
राजसाहेबांचं इंजिन शिळ ठोकून विरोधात उभं राहिलं
जणू दोघांनीही मराठी माणूस असल्याचं सिद्ध केलं
मराठी माणसानं परस्परांच्या पायाला ओढलं
सेना मनसेचं राजकारण सत्ते फक्त तुझ्याच साठी
अजून एका काकांना वाटलं पुतण्याने केला घातं
धनंजयानं सोडली की गोपीनाथरावांची साथ
घड्याळानं केली की कमळावर मात
नेहमीच जिंकता येत नाही करुन भावनिक बात
मुंडेंचं भावनिक होणं सत्ते फक्त तुझ्याच साठी
अजितदादांनी मुंडेंना सुनावलं
लोकांच्या घराला तुम्ही फोडलं
मोहिते पाटलांनाही त्यातून नाही सोडलं
म्हणूनच तुम्हाला वाटतं तुमचं घर कोणी फोडलं
विचार करा आता पंकाजालाच फक्त मोठं केलं
म्हणूनच नाहीना धनंजयानं तुम्हाला सोडलं
गोपीनाथांनी जे केलं तेच फेडलं सत्ते फक्त तुझ्याच साठी
पराभवाची संपत नव्हती साडेसाती
म्हणून युतीने केली महायुती
रिंपाईच्या आठवलेंना केलं नवं सोबती
राज्यसभेच्या तिकट आलं
आता तरी रामदासांच्या हाती
तीन तिघाडा केला होता फक्त सत्ते तुझ्याच साठी
राजू शेट्टींच्या येण्यानं बळकट झाली महायुती
स्वाभिमानानं महायुती झाली होती चौहाती
जाणकरांनी केली वाढवून पंचहाती
आता तरी चारणार का आघाडीला माती
का सुरूच राहाणार पराभवाची साडेसाती
विशाल केली ही महायुती
फक्त सत्ते तुझ्याच साठी
पवारांना हरवण्याची मोहिम मुंडेनी घेतली हाती
हिसकावून घेणार पवारांची माढा अन बारामती
सांगत असतात जनतेला
पवारांची होणार आहे आता अती तिथं माती
मुंडेंच स्वप्न खरं होईल आणि मिळेल का सत्ता हाती
मुंडेचं हे स्वप्न फक्त सत्ते तुझ्याच साठी
मुंडेच्या मोहीमेची
पवारांना नाही वाटत भिती
मुंडेवरच उलटवायची त्यांची भानामती
राखणार यंदाही माढा आणि बारामती
मुंडेंच्याच गडात चारणार आहेत त्यांनाच धुळ आणि माती
पवारांनी केली तयारी फक्त सत्ते तुझ्याच साठी
लोकसभेच्या तारखा घोषीत झाल्या
युत्या झाल्या आघाड्याही करून झाल्या
जागांच्या भांडणात उमेदवारांच्या घोषणा झाल्या
काहींनी बंडखोरीच्या तलवारी उपासल्या सत्ते तुझ्याच साठी
प्रचाराचा नारळ सभातून फुटला
नमो आणि रागातच प्रचार रंगला
प्रत्येकजणच सांगतोय आपल्याच पक्ष कसा चागंला
पाच वर्षांनीच उमेदवाराला मतदार आठवला
जाता जाता मतदान करा सांगायला नाही विसरला
प्रत्येकाला जायचंय लोकसभेला सत्ते तुझ्याच साठी
म्हणून करतो मी प्रत्येक मतदाराला आव्हान
न चुकता करा प्रत्येकाने मतदान
बळी पडू नका जरी कोणी दिले प्रलोभन
गुंतून पडू नका कोणी दिले जरी आश्वासन
फक्त विकासकाम करणाऱ्यालाच द्या प्राधान्य
कोणाला निवडून द्यायचेय याची प्रत्येकाला आहे जाणं
स्वतःबरोबर इतरांनाही उत्साहीत करा करायला मतदान
आपल्या अमुल्य मताना निवडा आपला खासदार आणि पंतप्रधान
मतदारांनी मतदान करावं सत्ते तुझ्याच साठी
(कोणाच्या भावना दुखावल्यास क्षमस्व:)
गणेश दादा शितोळे
(०३ मार्च २०१४)
