माझ्या कवितेची आणि तिची,जरा वेगळीच मैत्री होती...!!!!!

माझी कविता आणि तिची,

जरा वेगळीच मैत्री होती..

जुन्या त्या आयष्याच्या कप्यात रमताना,

आठवणीतली ती प्रिय सखी होती...!!!

शब्दांच्या गुंफनातल्या कवितेशी तिची,

खरं तर ओळख फार जुनी होती...

शब्द तिच्या काळजाला भिडन्यात पण,

बहुदा कवितेचीच काहीतरी खेळी होती...!!!

भेट ती शब्दांची माझ्या कवितेतून,

तिला जन्मभर पुरणारी होती...

कारण वाचून कविता माझी धडधड

तिच्या ह्रदयातली वाढली होती...!!!

मी भेट म्हणून लिहलेली कविता,

तिला रे अगदीच प्रिय वाटत होती...

मी नसतांनाही कविताच तिचा,

प्रिय बनून मिरवत होती...!!!

त्याच कवितेमुळे तिची,

अवखळ नजर भिडली होती...

माझी कविता मनापासून वाचताना,

तिच्या मनात हुरहुर वाढली होती...!!!

एकटं मन रमवणार्‍या तिला,

आयुष्यभराची सोबत मिळणार होती...

शब्दांनीच नकळतपणे,

ही जोड़ी जमवून आणली होती...!!!

कारण माझ्या कवितेची आणि तिची,

जरा वेगळीच मैत्री होती..........!!!!!

गणेश दादा शितोळे 

(०४ एप्रिल २०१४)