वाढदिवस

खरंच वाढदिवस म्हणजे नक्की काय असतं...
नवीन वर्षात पदार्पण केल्याचा आनंद
की
जुने वर्षे निघून गेल्याचं दुःख...

खरंच वाढदिवस म्हणजे नक्की काय असतं...
नव्या वर्षांत जगण्याची उमेद
की
सरत्या वर्षांतील आठवणींची घालमेल. ..

खरंच वाढदिवस म्हणजे नक्की काय असतं...
पहिलं विश कोण करतं याची उत्सुकता
की
कोणीतरी आपल्याला विसरल्याची जाणीव...

खरंच वाढदिवस म्हणजे नक्की काय असतं...
मित्रांसोबत एकत्रित सेलिब्रेशन
की
गर्लफ्रेंड सोबतचा कॅण्डललाईट डिनर...

खरंच वाढदिवस म्हणजे नक्की काय असतं...
आई वडिलांचा घेतलेला सकाळचा आशिर्वाद
की
मित्रमैत्रिणींच्या दिवसभर मिळणार्‍या शुभेच्छा...

खरंच वाढदिवस म्हणजे नक्की काय असतं...
आयुष्य एक वर्ष जगल्याचं सेलिब्रेशन
की
आयुष्य एका वर्षानं कमी झाल्याचं दुःख

खरंच वाढदिवस म्हणजे नक्की काय असतं...
नवीन वर्षात करायचा संकल्प
की
जुन्या आठवणींना उजाळा देणारा क्षण

खरंच वाढदिवस म्हणजे नक्की काय असतं...
निश्चित उत्तर कधीच सापडत नसतं...
सापडलं तरी परिस्थितीनुरूप बदलत असतं...

खरंच वाढदिवस म्हणजे नक्की काय असतं...
नव्यानं आयुष्य जगण्याची प्रेरणा अन
जुन्या आठवणीसोबतचा विरंगुळा,
आईवडिलांचा आशिर्वाद
अन मित्रमैत्रीणींच्या शुभेच्छा,
दिवसभर सेलिब्रेशन आणि लेट नाईट डिनर,
खरंच वाढदिवस म्हणजे नक्की काय असतं...
आयुष्य आनंदाने जगायला शिकवणारा पहिला क्षण...

गणेश दादा शितोळे
(२० जानेवारी २०१५)