आयुष्य अन नातं...

नात्यांचं आयुष्यात असणं नसणं,

पाणी अन माशांसारखं असतं...

नात्याचं पाणी आटलं तर,

आयुष्य माश्यासारखं तडफडतं...

आयुष्य ह्रदय असेल तर,

नातं त्याचा श्वास असतं...

श्वास कोंडला, संपला की,

आयुष्यही संपून जात असतं...

आयुष्य  चंद्रकोर असलं तर,

नातं आंधारी रात्र असतं...

कोणी एक सोबत नसलं तर

दुसऱ्यालाही शोभत नसतं...

नात्याचं दुसरं नावच आयुष्य असतं,

जणू आयुष्याची जीवनगाठच असतं

गाठ तुटली अन सुटली की,

आयुष्य संपल्यासारखंच वाटतं...

गणेशदादा शितोळे

१० जानेवारी २०१६