मी....!!!
मी म्हणजे कोण
मी म्हणजे पाऊस
कधी ढगांच्या गर्दीतून रिमझिम बरसणारा...
तर कधी विजेच्या कडकडाटाने कोसळणारा...
मी म्हणजे कोण
मी म्हणजे प्राजक्त
सांजवेळी फुलून झाडाखाली सडा पडणारा...
अन सभोवताली यथेच्छ सुगंधाची उधळण करणारा...
मी म्हणजे कोण
मी म्हणजे शब्द
कधी आधार देत पाठीशी उभा रहाणारा...
तर कधी बोचत मनाला टोचणारा...
मी म्हणजे कोण
मी म्हणजे कवी
कधी भावनांना वाट करून देणारा...
तर कधी भावनांमधेच गुंग होणारा...
मी म्हणजे कोण
मी म्हणजे विश्वास
कधी आपलेपणाची खात्री देणारा...
तर कधी नात्यातील गैरसमजांना लाथाळणारा...
मी म्हणजे कोण
मी म्हणजे आनंद
कधी हास्याचे तुषार उडवणारा..
तर कधी मनाला नकळत स्फुरणारा....
मी म्हणजे कोण
मी म्हणजे माणूस
कधी संकटासमोर उभा ठाकणारा...
तर कधी आयुष्याची लढाई जिंकणारा...
मी म्हणजे कोण
मी म्हणजे केवळ मी स्वतः,
एकच असूनही विभिन्न आयुष्य जगणारा...
अन आसवे आणि पाण्याइतका एक होऊन जाणारा...
मी म्हणजे केवळ मी स्वतः,
पडद्याआडूनच सावली बनून असणारा....
गणेशदादा शितोळे
(१३ ऑगस्ट २०१४)
