तिच्या आठवणीत.....
डोळ्यांना सांगितलंय मी आज ओंगळवाणं पाहू नको...
आज तिला आठवणीत पहायचं आहे....
पापण्यांना सांगितलंय मी आज मिटू नको
आज तिच्या आठवणीत जागायचं आहे....
गालाला सांगितलंय मी आज खळी पडून देऊ नको...
आज तिच्या गालावरच्या खळीला बघायचं आहे...
ओठांना सांगितलंय मी आज ठम्म बसून रूसू नको...
आज तिच्या ओठांवरच्या हास्याला बघायचं आहे...
मनाला सांगितलंय मी आज कोणाला अलिंगन देऊ नको...
आज तिला मिठीत घ्यायचं आहे..
ह्रदयाला सांगितलंय मी आज जास्त धडधडू नको...
तिच्या आठवणीत तुला खूप धडधडायचं आहे....
शब्दांना सांगितलंय मी आज फार काही सुचवू नको...
तिच्या आठवणीत बरचं काही सुचणार आहे...
कवितेला सांगितलंय मी आज शब्दांतून काही बोलू नको...
आज आठवणीत का होईना तिच्याशी बोलायचं आहे...
भावनांनाही सांगितलंय आज मनाच्या कोपर्यात दडून राहू नको..
आज तिच्याबद्दलच्या सर्व भावनांना वाट करून द्यायचं आहे...
आसवांना सांगितलंय मी आज नुसतेच गालावरून ओघळू नको..
आज तिच्या विरहाच्या आठवणीत मनसोक्त रडायचं आहे....
गणेश दादा शितोळे
(३ मे २०१४)
